影視界嘅奧斯卡2024最近就喺美國洛杉磯完成頒獎，可謂2024年影壇盛事 ！不過我哋香港都有「奧斯卡」年度盛事喎，就係有「保險界消委會」之稱嘅10Life舉辦嘅「5星保險大獎2024」 ！所有得獎嘅保險產品都係經過10Life嚴謹評級，佢哋嘅精算師秉承公平公正公開原則下篩選出對消費者重要因素，為全港超過1500款保險計劃進行分析，研究當中保障、條款等細節，最後甄選出市場唔同保險種類入面最高級嘅產品，並評為5星級別。如果保險公司保障程度係最廣泛嘅，更會獲評選為「年度保險公司」。
保險個個都有買，但唔通個個都識買咩？普遍市場上較受市民歡迎嘅儲蓄、退休策劃、終身人壽類別嘅保險產品，有部份今次更被「保險界消委會」評為最高5星評級，小編根據以上類別精選咗部份高分保險產品，幫您喺投保前揀選適合自己嘅產品。
扣稅年金
好多人聽到年金，就好容易聯想起電視經常播出由年長演員推銷嘅年金廣告，誤以為淨係適合將近退休、上咗年紀及已退休人士，但其實年金係一種用嚟規劃退休嘅工具，幫助投保人將儲蓄轉化做一段時間內嘅穩定收入，能夠有紀律咁使用您嘅退休積蓄以應對長壽所帶來嘅財務風險，所以年輕一族非常適合用年金嚟實現儲蓄目標，並唔係老人專利。
想及早為退休生活開始籌劃，正為事業打拼緊嘅年輕人可以考慮年金產品，而且購買合資格延期年金保單（QDAP）更享有高達HK$60,000稅務扣減優惠，淨低嘅錢仲可以留嚟儲蓄，長遠增加穩定收入，等退休後可以個個月「自製長糧」，實現您嘅理想退休目標。
10Life喺扣稅年金保險嘅評分準則都係基於保證回報、預期回報、長壽風險保障及早期退保價值進行評分，而且評分不少於9分，即係該產品於受保人某個歲數（儲蓄：60歲／退休收入：85歲／長壽：105歲 ）保單完結或退保時，保證和預期回報較其他年金產品理想。
喺扣稅年金類別獎項中，Sun Life 永明、恒生保險、忠意保險、中銀人壽、中國太平洋人壽保險、中國太平、立橋人壽都有產品獲得「5星扣稅年金獎」，當中Sun Life 永明嘅豐碩延期年金計劃更喺儲蓄、退休收入、對沖長壽風險各領域奪得獎項，以突顯旗下產品具全面性。該計劃年金期長達至100歲，最短保費繳付期為5年，年金開始年齡最早可由50歲開始，設有保證喺年金期內穩定提供每月入息，而且申請程序簡便，投保毋須進行驗身或回答任何醫療問題，更特設靈活嘅意外身故保障支付選項，能夠為您嘅家人及至親喺危急關頭共渡難關。
儲蓄保險（退休規劃及財富傳承）
「積穀防飢」嘅重要性相信大家都好清楚，將來我哋退休都好依賴儲蓄作為我哋嘅幕後支撐，更可以將您嘅儲蓄化做心意留俾下一代，所以建立長期儲蓄習慣亦都係規劃退休不可缺少嘅一環，而儲蓄保險產品都係唔少人市民選擇之一。
儲蓄保險一般目標年期都比較長（退休規劃：30年；財富傳承：60年），能夠透過長年期嘅潛在回報去協助各年齡層嘅市民實現唔同人生階段嘅儲蓄目標，如作為自己／夫婦退休金、子女未來教學基金、置業首期、甚至未來不可預測嘅突發事故等等。作為儲蓄保險產品，消費者首要考慮當然係產品係咪回本，其次亦都期望有長遠回報先能夠追到通脹。
10Life「5星儲蓄保險獎」當中嘅退休規劃及財富傳承類別嘅評分準則基於保證回報、預期回報及公司紅利實現，按比重進行評分。當保單完結後，產品能保證回本，而且預期回報價值（視乎供款年期）達總供款3至42倍，公司紅利實現（2022年）評分亦要達7分或以上（即代表該產品喺2022年所派發的紅利，大程度上達到保單價值說明的預期，或可預視該保險公司的儲蓄產品的預期回報有比較大機會實現）。
喺退休規劃及財富傳承類別獎項中，Sun Life 永明、AXA 安盛及萬通保險均有產品榮獲最多「5星儲蓄保險獎」，當中Sun Life 永明更加脫穎而出，合共奪得７個「5星儲蓄保險獎」。
終身人壽保險
喺芸芸保險產品當中，終身人壽保險幾乎係必備保險，因當受保人不幸身故，保險公司會向保單受益人發放一筆過身故賠償。終身人壽保險亦有儲蓄成份，退保時可以提取保單嘅現金價值。有部分產品為分紅保單，投保人更可收取由保險公司派發嘅非保證紅利。
正所謂「意外意外，意料之外」，意外嘅嘢真係話唔埋，所以10Life喺評分方面都有考慮到受保人喺唔同人生階段或時期不幸過身時嘅保證身故賠償倍數。獲得5星評級嘅保險產品於比較相同保費嘅產品後，可以提供最佳身故賠償倍數。
假如您係家庭支柱，需要養兒育女、照顧兩老同埋按揭貸款的話，大多較難承擔較高保費開支，可以考慮供款年期較長嘅終身人壽保險產品，好處在於每期保費較低，唔使造成太大經濟負擔。喺終身人壽保險類別獎項中，只有Sun Life 永明、FWD 富衛及安達人壽旗下產品不論男女受保人均獲得滿分，當中FWD 富衛及安達人壽獲獎產品屬5年供款期，而Sun Life 永明則屬20年供款。
年度保險公司大獎
另外「年度保險公司大獎」方面，10Life審視咗保險公司旗下多個產品保障及回報程度，只有Sun Life 永明、FWD富衛、中銀人壽呢3間保險公司喺人壽、健康、財富領域方面奪得年度大獎。其中「年度保險公司大獎」得主Sun Life 永明連續兩年獲得該殊榮，更喺今次「5星保險大獎2024」勇奪合共16個獎項。
10Life表示經檢視五大保險種類，包括終身人壽、長期儲蓄、年金、危疾和醫療保險，獲奬保險公司在多個產品類別中得到5星評級，取得認可的產品類別較同業廣泛，反映該保險公司在不同產品領域皆可提供優質保障。
其實市場上保險產品種類繁多，好多條款又深又難明，消費者難以為產品進行比較，10Life有見及此決定設立保險比較平台，訂立統一量度標準，為唔同保險產品作出評級。佢哋會定期主動收集香港市場上各類型保險產品資訊，由精算師分析產品，以消費者角度考慮因素作出評級，並完全公開給大眾免費瀏覽。10Life保險評級獨立專業，不會偏幫任何保險公司，而且評級方式公開公平公正，亦會因應市場情況定期檢視及修訂評級準則，確保產品獲得合理評分。
*資料來源：10Life保險比較平台——5星保險大獎2024（截至2024年1月15日）。詳情：www.10Life.com
*上述資料只供參考之用，本專頁不會就任何錯誤或失實資料陳述承擔任何責任。
