台灣早前正式宣佈開放港人自由行，唔少航空公司都即刻加開往返香港台北嘅機票，但究竟邊間公司最抵買呢？MoneyMoney小編幫大家立即比較5間航空公司嘅台北機票, 我哋以3月23至26日嘅4日之旅做比較，盡量搵早機去晚機返嘅時間，同埋幫大家計埋連行李/唔連行李嘅票價，立即睇睇邊間最平最抵買！
台北機票優惠 / 台北機票特價
1. HK Express: 連稅都只需$1,747
HK Express最平嘅機票時間係早上07:30出發，然後15:20回程，連埋稅都只需$1,747(唔包括寄艙行李), 係最平之選!!
2. 中華航空: 連稅同寄艙行李都只需$2,198
至於中華航空獲得小編推介之選，整體嚟講航班時間唔錯，去程早上11:05機，回程14:35，連稅同寄艙行李都只需$2,198!!! 整體來講最平均~
3. 長榮航空：連稅同寄艙行李為$2,148
去台灣又點少得比較埋長榮航空，佢嘅票價同中華航空差唔多，去程時間都係早上11點左右，但回程時間無中華航空咁好，12:40機回程，價錢方面，連稅同寄艙行李都只需$2,148, 平過中華航空少少。
4. 香港航空：連稅都只需$2,043
香港航空相比之下無咁大優勢，因為本身機票都唔包寄艙行李，同一出發嚟計，香港航空出發得晚機，回程機就21:20, 叫做可以玩到最尾先走，價錢方面，連稅後$2,043, 如果要寄艙行李就要另外加錢。
5. 國泰航空：連埋稅同寄艙行李後$3,009
至於時間最靚仔一定係國泰航空，早機8點出發、晚機9點3回程，連埋稅同寄艙行李後$3,009, 雖然喺5間最貴，但可以玩足4整日, 有budget嘅朋友不妨考慮吓~
詳情可瀏覽各大航空公司網頁:
國泰航空: https://bityl.co/HGlS香港航空: https://bityl.co/HGlV長榮航空: https://bityl.co/HGlW中華航空: https://bityl.co/HGlZHK Express: https://bityl.co/HGla
*上述資料只供參考之用，一切均以各大官網的最新資料作準。本專頁不會就任何錯誤或失實資料陳述承擔任何責任。
借定唔借？還得到先好借！
