政府早前宣布今年再向港人派發合共HK$5,000消費券，首期HK$3,000將於4月16發放，希望可以進一步刺激本地消費！唔少商場亦都立即配合消費券，推出消費券獎賞優惠以吸引更多客戶。有見及此，MoneyMoney小編為大家整理咗本港各大商場嘅消費券獎賞優惠，大家記得mark實邊間商場優惠最啱你心水喇！
伸延閱讀：【網上購物】2023年6張精選高回贈網購信用卡!!! 邊張卡高達6%網購現金回贈??
1. 新城市廣場送高達HK$7,000電子禮券
位於沙田嘅新城市廣場由即日起推出「春日消費券購物賞」！顧客只要以電子貨幣消費滿指定金額，即可獲贈高達HK$7,000商場電子禮券！同時，新城市廣場亦都配合消費券推出額外獎賞，凡透過AlipayHK、八達通、Tap & Go 拍住賞、WeChat Pay HK、PayMe或BoCPay等6大平台付款購物，即可額外獲得$50 Play Park玩樂電子禮券。
伸延閱讀：【迎新獎賞】小編盤點4月各大平台信用卡迎新獎賞邊張最抵?! Citi旗3張信用卡冠絕同期
2. 新地旗下12個商場消費滿HK$5,000即送HK$10,000優惠券
新鴻基地產旗下12個商場，包括東港城、上水廣場、北角匯、將軍澳中心、PopWalk天晉滙、Mikiki、屯門卓爾廣場、屯門錦薈坊、荃錦中心、新領域廣場、life@KCC及joy@KCC亦有配合消費券而推出購物優惠！由即日起The Point會員可以透過手機App率先換領預留證，等到4月16日消費券派發首日，只要憑證到上述12個商場消費滿HK$5,000，即可換領總值達HK$10,000指定商場同商戶電子優惠券組合，回贈率高達200%！同時，喺4月16日至5月21日期間，The Point會員喺指定商場以電子貨幣消費滿HK$900，即賞HK$80商場電子優惠券、消費滿HK$3,800，即賞HK$650商場電子優惠券，買得多獎得多！
3. 東薈城名店倉消費滿HK$2,000即送HK$200現金券
東薈城名店倉個outlet不嬲都係小編購物勝地，佢哋亦有配合消費券而推出購物優惠！商場由即日至5月3日推出「春の購賞」活動，限時推出超過340個「春日賞心折扣」優惠，部分產品更低至1折發售！另外，東薈城名店更向「CLUB CG」會員提供總值超過HK$180萬獨家消費獎賞，會員即日以電子單一消費滿HK$2,000，即可獲得HK$200指定商戶現金券！非會員只要買滿HK$2,000，可以即場登記做會員享獎賞禮遇！
4. YOHO MALL單日消費最高獲可達HK$810回贈
位於元朗YOHO MALL由即日起至4月30日推出「日日購物賞」，The Point會員以電子貨幣消費滿HK$1,000即賞HK$50電子贈券。另外，喺消費券首發當日即4月16日，商場更加推額外2重獎賞，以電子貨幣消費滿HK$4,500即賞HK$300 YOHO MALL電子贈券套裝，以指定信用卡消費滿HK$9,000，除咗$360 Point Dollar外，YOHO MALL更獨家額外加碼賞HK$100新地商場贈券，夾夾埋埋單日回贈最高獲可達HK$810！
5. 德福廣場消費滿HK$2,000或以上獲HK$300商場電子優惠券
德福廣場由3月31日起至5月1日推出「德福廣場購物節」，部分商品以低至1折激發售！商場亦有配合消費券推出獨家「德你有」消費獎賞，累積消費滿HK$2,000或以上，即獲HK$300商場電子優惠券。
6. 華人置業6個商場將送出總值超過HK$1,000現金券
華人置業管理嘅6個商場，包括The ONE、皇室堡、新港中心、銅鑼灣地帶、東角LAFORET同埋灣仔電腦城，由4月5日起推出「消費狂賞曲」活動，顧客只需以電子貨幣，喺6個商場指定商戶消費滿指定金額，即可獲贈商場購物現金券或美食現金券，總值超過HK$1,000萬。
7. 置富 Malls推出「即抽即中巡迴賞」！有機會抽中美容儀器、廚房家電
置富Malls亦都有推出「Love Shopping購物多重賞」節日購物禮遇，喺4月至6月期間嘅指定星期六、日及公眾假期推出「即抽即中巡迴賞」，Fortune+會員喺置富Malls指定商場內以電子貨幣消費滿HK$200，即可參加抽獎一次，有機會即時中獎，獎品總值接近HK$100萬，其中包括有 YA-MAN 雅萌塑身緊緻4D美肌滾輪、TOSHIBA 東芝纖巧蒸氣焗爐等等！另外，由即日起置富Malls旗下12大商場亦推出「購物獎上獎」，推廣期內喺同一商場消費滿指定金額即可獲最高HK$500美食現金券；星期六、日及公眾假期消費更可獲最高HK$50額外獎賞。
8. 朗豪坊「BUNNI擲彩虹遊戲」贏取朗豪坊精選商舖優惠券
朗豪坊由即日起至5月21日推出「BUNNI擲彩虹遊戲」，顧客消費滿HK$300並加入成為LP CLUB會員，即可享免費禮遇及換領指定數量遊戲代幣參加「BUNNI擲彩虹遊戲」，有機會贏取限定版朗豪坊 X BUNNI KONBINY精美禮品或朗豪坊精選商舖優惠券。另外，由即日起朗豪坊LANGHAM BEAUTY聯同多個國際頂尖美妝、個人護理品牌舉辦「Langham Beauty Fest」，超過300款低至2折嘅美妝護膚禮遇！凡購物滿HK$300即送價值HK$100美妝禮品；或購物滿HK$1,000即賞價值高達HK$550禮品！
*上述資料只供參考之用，本專頁不會就任何錯誤或失實資料陳述承擔任何責任。
