信用卡網上簽賬優惠

近年網購盛行，小編個個月都喺網上血流成河，碌吓碌吓又唔見咗成萬蚊…為咗令自己開心啲，今個月決定幫大家比較吓市面6張高回贈嘅網購信用卡，定大家網購完都可以賺返更多回贈!!! 「滙豐Red信用卡」嘅網購現金回贈最吸引 今期「滙豐Red信用卡」嘅網購現金回贈最吸引，喺推廣期內首HK$12,500網購消費可享高達4%「獎賞錢」現金回贈，其後就為無上限1%「獎賞錢」！假如小編今個月網購咗HK$15,000，「滙豐Red信用卡」可以賺返HK$525回贈，基本上係全城最抵!!! 「安信EarnMORE銀聯卡」主打2%網購簽賬現金回贈 另一張推薦俾大家嘅係「安信EarnMORE銀聯卡」信用卡，佢主打2%網購簽賬現金回贈優惠，雖然望落上一張卡咁多，但計返如果今個月網購咗HK$15,000，佢都可以賺返HK$300回贈。 「信銀國際Motion信用卡」主打6%網購回贈 至於「信銀國際Motion信用卡」，雖然佢主打6%網購回贈，但原來睇返細節，每月6%回贈上限原來只有HK$200，之後簽賬只有0.55%基本現金回贈，假如小編今個月網購咗HK$15,000，最終只係賺得HK$264, 少過上面2張卡。 「恒生MPOWER卡」VS「中銀Chill Card」 至於「恒生MPOWER卡」今期網購有5% Cash Dollar回贈，假如網購咗HK$15,000，當月可以賺取HK$244。 「中銀Chill Card」今期網購主打5%現金回贈，但要留意，當中0.4%為無上限回贈，而4.6%每月限只有$150，假如網購咗HK$15,000，就可以賺HK$197回贈。 「Citi Cash Back Card」每月可賺HK$170回贈 最後，「Citi Cash Back Card」主打2%網購現金回贈，單次簽賬滿HK$2,000或以上可以賺額外2%回贈(最多可以有HK$40), 其他簽賬為1%，假如網購咗HK$15,000，就可以賺HK$170。 *上述資料只供參考之用，一切均以各大信用卡官網的最新資料作準。本專頁不會就任何錯誤或失實資料陳述承擔任何責任。 借定唔借？還得到先好借！