作為小資一族少不免都經常去淘寶買嘢！不過，市面上嘅集運公司林林總總，究竟大家應該點樣選擇好呢？用官方集運係咪一定最好？邊間收費又最平？有見及此，小編就整合咗7間香港較常使用嘅集運公司，同大家一文比較下佢哋嘅收費及優點，俾大家可以按自己需要，揀選一間最適合自己嘅集運公司啦！
一圖比較7間集運收費及優點
| 菜鳥 | 順豐 | 神州集運 | 集運王 | 多寶集運 | DIMBUY | Buyandship | |
|---|---|---|---|---|---|---|---|
| 自提點首重價錢 | ￥10.5/KG | ￥23/KG | ￥11/KG ￥26/3KG (快線) | $12/KG | $16/KG | $9/KG | $16/2磅 |
| 續重價錢 | ￥3.8/0.5KG | ￥4/0.5KG | ￥6/KG ￥7/KG (快線) | $8/0.5KG | $5/0.5KG | $9/KG | $8/磅 |
| 內地免費存倉期限 | 20日 | 20日 | 180日 | 90日 | 30日 | 60日 | 30日 |
| 自提點數目 | 750+ | 1000+ | 208 | 500+ | 700+ | 1500+ | 424 |
| 小編短評 | 官方推薦集運渠道 | 效率高服務穩定 | 內地存倉期最長 | 內地存倉期較長 | 最快1-2個工作天送達 | 首重最平 | 最快1-2個工作天送達 |
淘寶官方集運：菜鳥 VS 順豐！菜鳥勝在價錢夠平？
「菜鳥」同「順豐」呢兩間集運公司，相信大家都一定聽過。作為淘寶官方指定集運公司，兩者不論喺服務同效率方面都有信心保證，所以不少香港人都會選擇兩間公司的集運服務。不過，究竟兩者比較之下，邊一間會較為優勝呢？
菜鳥自取點（阿里巴巴）
（順豐香港）
根據小編實戰經驗發現，「順豐」嘅到貨時間整體較「菜鳥」為快，加上近年「順豐」喺香港嘅業務不斷擴大，周街都可以見到多咗順豐站同自取櫃，自取點嘅數量較「菜鳥」為多，全港超過1000間。另外，「菜鳥」的首重價錢為¥10.5 CNY，較「順豐」的¥23 CNY平超過一半！所以，如果大家想又平又方便的話，「菜鳥」較為合適，而「順豐」則可以用錢買時間，想快啲收到貨嘅不妨考慮！不過提提大家，兩間集運都係用人民幣計價，大家要留意清楚匯率呀！
神州集運：免費存放6個月！為眾多集運之冠
除咗兩間官方集運之外，其實現時市面仍有好多集運公司俾大家選擇，先講「神州集運」，佢係以人民幣收費嘅集運公司，首重價錢同官方「菜鳥」相若，但續重收費為每公斤¥6 CNY（快線則要每公斤¥7 CNY），對比兩間官方集運「菜鳥」同「順豐」為低。不過，「神州集運」嘅優勝地方在於佢嘅內地免費存倉期限長達6個月，方便大家隨時買隨時運！不過，佢嘅自提點數目較少，全港有208個。
多寶集運：非官方集運到貨時間較快！普遍只需1至2個工作天
至於「多寶集運」，佢係以港幣作收費嘅集運公司，首重價錢為HK$16/KG，續重收費為HK$5/0.5KG，在內地免費存倉期限為30日。「多寶集運」嘅最大優點是到貨時間較快，普遍到貨時間只需1至2個工作天。
集運王：自取點覆蓋偏遠地區！性價比高！
「集運王」都係以港幣收費嘅集運公司，首重價錢為HK$12/KG，而續重收費為HK$8/0.5KG，價錢喺7間集運之中屬於較平。加上「集運王」嘅自提點超過500間，更加覆蓋偏遠地區例如粉嶺、西貢等，方便同時又係平價之選，啱晒住喺村屋嘅朋友！
DIMBUY：首重價錢只需HK$9/KG！7間集運中價錢最平
「DIMBUY」喺7間集運公司之中最平，集運首重價錢只需要HK$9/KG，至於續重收費同樣為HK$9/KG，適合一班小資族！不過，「DIMBUY」集運自提點近年越增越多，超過1500間，可以話係又平又方便。
Buyandship：非官方集運到貨時間較快！普遍只需1至2個工作天
最後嚟到「Buyandship」集運，同樣以港幣收費，不過佢計算重量單位方面同其他公司唔同，重量以「磅」作計算，首重價錢為HK$16/2磅，而續重收費為HK$8/磅。「Buyandship」嘅自提點合共有424間，內地存倉期限只有30日，到貨時間只需1-2個工作天就可以送達。
*上述資料只供參考之用，本專頁不會就任何錯誤或失實資料陳述承擔任何責任。
